我已經喺香港生活左17年...香港喺1997年回歸中國...究竟是好是壞我真係唔知...
但係香港嘅民生問題真係越黎越嚴重...香港真係遲早俾自己友玩殘... 我地香港人生活喺香港...有好多福利可以享受到...教育啦醫療啦治安啦好多好多...
不過我想講嘅就係呢d福利...其實都幾令到人心惶惶...點解咁講呢? 拿首先就研究下醫療...香港d醫院究竟俾到幾大信心我地香港人呢?
你諗下...BB條屍可以唔見左...
有人喺醫院門口心臟病發但係唔係第一時間出去救人...
有d醫生可以開錯藥俾病人食...
醫院病人紀錄嘅手指可以話都無咁易就唔見左...唔止咁簡單...
http://hk.news.yahoo.com/article/090327/4/be6c.html
你望下d新聞真係唔係講笑...好乸恐怖囉...
手術零件可以留左喺病人體內...會有咩嘢後遺症...
如果d手術零件有細菌有病毒的話...咁真係同擺粒子彈落個腦度無乜分別...隨時死...
仲有 http://hk.news.yahoo.com/article/090327/4/be77.html
唔係下話...病人搵醫生想話醫病保住條命...但係連醫生都烏下烏下...個病人都唔知點算...
香港醫療系統唯一有一樣嘢係抵讚嘅...就係嗰個「授權號碼」...電子醫療...
即係每個病人都有病歷...可能平時去開某間醫院睇醫生例如聯合醫院啦...
咁即係只係得聯合醫院有e個病人嘅病歷...
但係而家有左個「授權號碼」之後...病人只要記得個「授權號碼」咁就唔洗驚...
唔洗驚d乜呢? 假如你去旺角突然之間暈低左俾人送左去廣華醫院...
咁你睇開聯合...廣華嗰邊就唔知道你病歷...如果醫生喺唔知頭唔知路嘅情況之下開左一d同你病歷有出入嘅藥俾你食...你就真係死左都唔知咩事...
但係有左「授權號碼」...唔止廣華...全香港嘅醫院都可以知道你嘅病歷...知你咩嘢底...知你有咩嘢唔食得...咁就可以對症下藥...E個係一個保障...
不過講真丫...香港d醫生都真係...唔該做嘢嗰陣真係打醒12分精神... 好丫跟住講下教育...香港回歸左中國之後就搞咩嘢母語教學...中文中學英文中學...咁我唔知我係唔好彩定係點樣樣丫我讀嗰間五邑司徒浩中學就用中文教書嘅...咁當然香港有好多中學都係中文中學啦...但係喺我考完會考畢業嗰年...唔知邊個話可以自行選擇語言教學...我心諗唔係下話...點解唔早d搞呢個政策呀...
拿我而家真係有d後悔點解我一開始唔係揀英文中學...當然都係自己小六嗰陣衰年幼無知...嗰陣時點會諗得到英文咁重要...不過唔讀都讀左而家後悔都無用...但係呢d咁嘅政策真係其實一早應該推出黎有個彈性選擇俾學校啦下話...而家先推出遲唔遲d呀... 治安...香港警察...旺角警署嗰單強姦...已經不在話下...
http://hk.news.yahoo.com/article/090326/4/bdlf.html
睇完學警狙擊呢...番番黎現實...警察同埋臥底同埋黑社會我都真係唔識分= =
收錢助犯脫罪即係賄賂啦...警察可以知法犯法...仲講維護社會安定?
http://hk.news.yahoo.com/article/090326/4/bdlc.html
唉= =
http://hk.news.yahoo.com/article/090326/4/bdlq.html
如果香港真係治安好...點解仲會有咁多人犯案...
最好笑係乜呢...13歲中一男生...識得自製炸彈...咁細個已經識整炸彈...
其實基本上生活喺香港...身邊每一個人都可能係壞人...不過其實都係架喇...
http://hk.news.yahoo.com/article/090326/4/bdki.html
治安好? 強姦犯露體狂隨時可以喺你身邊出現...不過呢d未算恐怖...
最恐怖就係10歲以下嗰d...10歲以下嘅人犯法係唔洗坐監...
http://hk.news.yahoo.com/article/090326/3/bdp2.html
佢地唔會覺得打人係錯...唔會覺得打人需要負上責任...打人係啱嘅...
教育嘅問題治安嘅問題...基本上就連法律都有問題...
點解10歲以下嘅人犯法唔洗負責任...咁係唔係即係10歲以下嘅人可以奉旨犯法...
係唔係10歲以下嘅人可以隨便打人可以隨便非禮強姦偷嘢都唔洗負責任...
法律嘅問題又可以拉到落政治嗰度...
香港有言論自由...但係講完某d嘢之後又會俾人話誹謗或者恐嚇...
基本上政府搞出黎嘅嘢都喺度自打嘴巴...咁有咩嘢好講? 政府都係有問題...
http://hk.news.yahoo.com/event/fc/20090324/hkapology.html
醉駕撞死人嘅人根本就應該係要終生監禁...罰得個幾個月或者幾年有屎用?
點解搞左單撞死6個人嘅嘢出黎政府先話加強管制...搞咩嘢隨機抽樣check酒精成份...
點解而家先搞呢d政策...呢d嘢係唔係一早已經應該要有?
既然講到香港係咁自由...咩嘢自由貿易咁撚多自由...政府積極不干預政策咁仲要個政府黎做乜?
點解香港人每年都要交咁多稅養班廢柴? 仲有而家國際性嘅問題...唔止全球暖化...仲有貧富懸殊...
http://hk.news.yahoo.com/article/090326/4/bdnw.html
點解有錢人唔肯捐錢幫助窮人...唔好話有捐...
唔好同我講咩嘢東華籌款咩嘢公益金咩嘢呢d馬騮戲...唉我真係...
如果有錢人真係捐錢出黎幫人...點解香港仲有咁多窮人...
點解會有咁多人打劫仲要係年青人打劫的士司機...
基本上教育同埋治安係掛左鈎...不過都無用啦...
點解學校入面會有人吸毒...之前有新聞講過話唔知邊區有一半學校入面都有人吸毒...
真係香港人已經變哂質...香港遲早玩完... 而家連上海都話要做國際金融中心...香港已經有個競敵...但係香港自己本身都搞唔掂自己...樣樣嘢都有問題...亞洲四小龍呢...香港遲早俾人踢出局...
而家連喺香港食餐飯都驚呀真係...
http://hk.news.yahoo.com/article/090327/4/be4a.html
你米話我話丫我以前真係成日喺度諗...
雞蛋有蘇丹紅...雞有禽流感...豬有豬鏈球菌...牛有瘋牛症...羊有癲癇症...
菜有農藥...奶又有三聚氰胺...魚又有孔雀石綠...海產又有霍亂etc啦...
究竟喺香港食咩嘢先安全呢? 好心香港政府...如果真係有心搞福利...醫療教育治安呢d真係有心想服務香港人嘅...搞好d啦...
唔係求求其其話搞d嘢出黎就得架喇...內部溝通不足咁搞黎托柒咩?
我真係唔知道香港俾英國管嘅時候香港人有冇咁多怨氣...
香港人越黎越鍾意投訴人...好聽d就要求高...難聽d就無理取鬧...
使用公共交通工具嗰時就真係見得最多喇...我都廢鬼事講...
中國搞自由行究竟有咩嘢好...
係有一樣嘢好囉...就係沙士嗰陣酒店無人住...酒店業好大鑊...酒店面臨執笠危機...中國喺呢個時候搞自由行放d大陸人落黎香港旅遊...跟住住酒店...谷番起個入住率...
但係中國搞咁多嘢講到好似幫緊香港咁...究竟係幫定係害呀?
香港第一單沙士喺淘大搞出黎啦...但係淘大嗰條友喺邊度惹個病番黎呢?
歷史嘅嘢真係點樣追究都追究唔到... 仲有如果有人真心愛國嘅...點解香港仲有咁多人崇尚日本文化?
日本仔打中國嘅時候中國人幾慘我真係無興趣知...
伍掌鬼同我講...佢隔一代嘅長輩好似係阿爺...以前喺藥舖揸旗...
但係日本仔打中國打香港嗰陣就搞彎左間舖...如果唔係日本人嘅侵略...佢而家可能係一個「大支嘢」...咩嘢係「大支嘢」呢?
有次喺部2A度劍基同偉基同我一齊傾偈...劍基話我係「太子爺」...偉基話「咩嘢話? 大支嘢? 有幾大支呀?」我真係俾佢吹脹...不過都好丫又多個Gag可以吹下水=.=
所以呢伍掌鬼係好憎恨日本人...佢成日同我講好憎d崇尚日本文化嘅人...「崇日狗」...
其實如果歷史真係可以改變人類思維...令人類進步嘅話就唔會有咁多呢d崇日嘅人啦...
我又無伍掌鬼咁偏激我又唔會好直接咁話崇尚日本文化嘅人係「崇日狗」嘅...
因為我無經歷過伍掌鬼嘅苦況...同埋好認真...我唔愛中國的...所以無乜感覺... 唉...一句到尾啦...要喺香港立足真係要醒醒定定...因為身邊每個人都可能會玩殘你...
喺班度我亦都學識左...做人一定唔可以心軟...對付某d人一定要用非常手段...
呢個社會其實每個人都係陰謀論...每個人都係同你鬥奸...汰弱留強...
你喺呢個社會唔夠奸你遲早俾人害死...因為每個人都係欺善怕惡...諗諗啦~
| 
